MARMALATË FTOI

MARMALATË FTOI

Kur gatuhen, ftonjtë transformohen në një marmalatë me një ëmbëlsi intensive.

Përbërësit:

- 2 kg ftonj
- lëkurën e gjysmës së një limoni
- tre lugë gjelle me lëng limoni
- 500 – 600 gr sheqer

Përgatitja: 

Si fillim, lani me ujë të bollshëm ftonjtë dhe i qëroni nga lëkura dhe bërthamat, e më pas pritini në copa.

Në një tenxhere hidhni lëkurën e limonit të qëruar shtoni dhe ftonjtë e prera dhe mbulojini me ujë.

Vendoseni tenxheren në zjarr dhe lëreni masën që të ziejë.

Pasi të kenë marrë valë, ulni nxehtësinë dhe vendosini kapakun tenxheres. Lërini ftonjtë që të ziejnë dhe për 30 – 40 minuta të tjera.

Kështu kur t’i kulloni ata do të jenë të butë sa do të shtypen dhe me pirun.

Pasi të ketë kaluar koha e nevojitur, kulloni ftonjtë dhe mund t’i shtypni në kullore me një lugë, ose t’i vendosni në grirësin elektrik (mikser).

Ftonjtë do të krijojnë një formë pureje, të cilën do ta kaloni përsëri në tenxhere.

Iu këshillojmë që ta masni purenë e ftonjëve, sa gota me pure të keni aq gota me sheqer do të hidhni.

Vendoseni përsëri tenxheren në zjarr të ngadaltë derisa sheqeri të shkrijë plotësisht. Pasi kokrrizat e sheqerit të jenë shkrirë shtoni lëngun e limonit.

Vazhdoni ta përzjeni derisa masa të fillojë të ndryshojë ngjyrë dhe të mpikset.

Masa do të marrë një ngjyrë të thellë kafe transparente, dhe do të jetë e trashë.

Në vijim, ngrohni furrën e sobës në 70 gradë celsius.

Në një tavë jo shumë të madhe vendosni një letër pjekjeje, lyejeni me pak gjalpë dhe hidhni masën me ftonj.

Me ndihmën e një luge drejtojeni në mënyrë që trashësia të jetë e njëjtë në të gjithë sipërfaqen.

Vendoseni tavën në furrën e parangrohur përreth një orë, në mënyrë që të thahet plotësisht.

Ky proces do t’i japë marmalatës dhe formën e saj karakteristike.

Më pas hiqeni nga furra dhe lëreni të ftohet.

Për ta ruajtur mjafton vetëm ta largoni nga tava dhe ta mbështillni me qese kuzhine ose ta vendosni në një enë qelqi me kapak në frigorifer. 

Ju bëftë mirë!

comments powered by Disqus
Marmalatë ftoi
TË TJERA RECETA
RECETA GATIMI
Lexoni të tjera receta
Share by: