KEK ME KUNGULL DHE ÇOKOLLATË
Përbërësit:
- 4 kokrra vezë
- 200 gr sheqer
- 80 gr gjalp (ambient)
- 350 gr kungull i verdhë (në avull)
- 2 lugë gjelle mjalt (sipas dëshirës)
- 300 gr miell
- 50 gr niseshte
- 1 pako pluhur pjekës
- 1 lugë çaji kanellë
- 100 gr çokollatë fondente
- sheqer pluhur për dekor
Përgatitja:
Fillimisht në një tigan me 1 lugë caji gjalp kaurdisim kungullin për 10 minuta. Rrahim vezët me sheqerin deri sa sheqeri të shkrijë dhe veza të rrisë volumin. Shtojmë gjalpin dhe i rrahim së bashku deri sa të na formohet një masë e lidhur.
Pasi kungulli të jetë zbutur mirë dhe të jetë ftohur e kalojmë në blender dhe e kthejmë në pure të cilën e shtojmë në tasin me vezë e më pas e përziejmë mirë.
Përziejmë në një tas, miell, niseshte, pluhur pjekës e kanellë dhe e shtojmë gradualisht në tasin me vezë e kungull.
I përziejmë me spatula dhe në fund shtojmë dhe cokollatën.
E trazojmë dhe e vendosim brumin në një tepsi të lyer me gjalp dhe pak miell. E pjekim në temperaturë 180ºC për 40-45 minuta.
Pasi ftohet e spërkatim me sheqer pluhur.
Ju bëftë mirë!
KEK ME KUNGULL DHE ÇOKOLLATË
ÇOKOKREM NË KUSHTE SHTËPIE
AKULLORE
LLOKUME ME PORTOKALLE
MOLLË TË PJEKURA ME ARRA, RRUSH TË THATË DHE LËNG PORTOKALLI
PANNA COTA ME LULESHTRYDHE
KEK NË TIGAN
KARAMELE ZANA
BISKOTA ME MJALTË
BISKOTA ME LIMON
TOST FRANCEZ ME BANANE DHE NUTELLA
PETULLA AMERIKANE - (PANCAKE)
SHEQERPARE
QUMËSHTOR ME MIELL MISRI
GLIKO PORTOKALLI
GURABIE
ROLATE ME MANDARINA
TORTË ME BORONICA
KEK ME BISKOTA
TORTE SHAHU