SI TË BËNI DJATH MOZZARELLA

Përbërësit:

- 3.8 l qumësht

- 1 (1/2) lugë çaji acid citric (acid limoni) në formë pluhuri

- ¼ lugë çaji farë djathi të lëngshme

- 1 lugë çaji kripë

Përgatitja:

Qumështin hidhni në një enë të madhe dhe në temperaturë të mesme ngrohni atë deri sa të arrijë temperaturë 12°C, për këtë do t’ju nevojtet një termometeër gatimi. Kur qumështi të arrijë temperaturën e saktë, hidhni pluhurin me acid limoni, përzieni mirë dhe vazhdoni ngrohjen e qumështit.

Kur qumështi arrin të ngrohet në temperaturë 31°C, hidhni farën e djathit dhe përzieni mirë. Vini re se dalëngadalë qumështi fillon të trashet dhe të paraqiten fryerje si rezultat i trashjes.

Në mes temperaturës 35-40°C, qumështi do të trashet mjaftueshëm dhe kjo tregon se është koha për ta vënë mbi zjarr (shporet), dhe mund të vini re se si ndahet hirra nga djathi.

Largoni enën nga zjarri dhe lëreni që të ftohet për rreth 5 minuta. Pas kësaj, me ndihmën e një luge të gjellës, mënjanoni djathin në një enë të posaçme dhe kulloni hirrën e tepërt sa më shumë të jetë e mundur. Pas saj, vendosni djathin në një furrë me mikrovalë për ta ngrohur për 60 sekonda dhe përsëri ndani hirrën nga djathi duke e ngjeshur masën e djathit si brum, dhe duke mundësuar në këtë mënyrë shpërndarjen e barabartë të nxehtësisë.

Më pas, sërish ktheni djathin në mikrovalë dhe ngrohni atë për 30-40 sekonda varësisht nga fortësia dhe prap hiqni sasinë e tepërt të hirrës. Shtoni sasi të vogël të kripës në djath, ngjesheni mirë dhe sërish ngroheni atë duke ia larguar hirrën e tepërt.

Në këtë moment, djathi duhet të jetë shumë i nxehtë dhe t’i ngjasojë djathit të mocarelës së shkrirë, vendosni doreza dhe ngjesheni mirë masën deri sa të përforcohet.

Përsëriteni procesin e ngrohjes dy deri tri herë, derisa të gjithë shtresat e djathit të jenë ngrohur njëjtë.

Në fund, nga djathi i përfituar mund të krijoni forma të ndryshme si dhe djathin e përgatitur ruani në frigorifer në ujë të ftohtë.

Ju bëftë mirë!