ÇOKOKREM NË KUSHTE SHTËPIE

Kur ta provoni një herë, më kurrë nuk do ta hani atë që e blini në dyqane!

Do të kënaqeni shumë, sepse do të jetë e sigurt edhe cilësia e çdo përbërësi.

Shumicën e përbërësve me siguri i keni në frigoriferin apo dollapët e kuzhinës suaj, ndërkaq qumështin e kondensuar tani mund ta blini pothuajse në çdo dyqan.

Përbërësit:

- 150 gr lajthi të qëruara

- 100 gr çokollatë të zezë

- 1 lugë kakao

- 300 ml qumësht të kondensuar e të ëmbëlsuar

- ½ lugë e vogël ekstrakt vaniljeje

- 2 lugë qumësht

- kripë sa mund të kapësh me gisht

Përgatitja: 

Furrën nxeheni në 170 gradë. Mbështilleni tepsinë me letër për pjekje, shpërndajini lajthitë në tepsi dhe piqni 8 – 10 minuta.

Patjetër tundni një herë gjatë pjekjes.

Kur të marrin ngjyrë ari, futni në aparatin multipraktik dhe grimconi. Fikeni aparatin vetëm atëherë kur të marrin formën e ngjashme me gjalpin e kikirikëve.

Shkrijeni çokollatën në zjarr të lehtë, shtoni qumështin e kondensuar dhe përzieni mirë.

Çokollatën, kakaon, ekstraktin e vaniljes, kripën dhe lajthitë i hidhni në aparatin multipraktik.

Kur të gjithë përbërësit të përzihen, shtoni qumështin si lyerje që të mos bëhen tepër të dendur. Përzieni, provoni dhe shtoni qumësht sipas nevojës.

Këtë kënaqësi me çokollatë mund ta mbani në kavanoz në temperaturë dhome 4 ditë, ndërsa në frigorifer deri në 30 ditë.

Ju bëftë mirë!