Torte me boronica-KUZHINA.com

TORTË ME BORONICA

Përbërësit:

- 200 gr biskota

- 100 gr gjalpë

- 1 filxhan kafeje arra të shtypura

- filxhan kafeje susam

Për kremin:

- 2 gota boronica të ngrira

- 1 filxhan kafeje lëng frutash

- 250 ml ajkë e ëmbël(hopla)

- 100 gr krem djathi

- 3 lugë sheqer pluhur

Përgatitja:

Fillimisht shtypim biskotat, shtojmë gjalpin e shkrirë, arrat e shypura, susamin, masen e përziejmë mirë me lugë, pastaj e shtrijmë në tavë, e shtypim me anë të luges, (nëse ju mungojnë arrat dhe susami, ather shtojmë vetëm biskotat në 250-300 gr prapë tortes nuk i humbet shija).

Në blender vendosim boronicat së bashku me lëngun e frutave, dhe i përziejmë mirë derisa të fitojmë kremë nga to (nëse u mungon blenderi, shtypni ato, pastaj i përzieni me mikser dore).

Pastaj marim ajkën e ëmbël e përziejmë mirë me mikser derisa të fitojmë masë kremoze.

Në një enë tjetër vendosim kremin nga djathi, pastaj shtojmë sheqer pluhurin, masen e përziejmë mirë mikser, pastaj e shtojmë tek ena me kremin nga ajka, pastaj shtojmë masen e përgaditur nga boronicat.

Masat i përziejmë bashkë prapë me mikser, derisa të krijojmë masë homogjene, dhe të fitojmë ngjyren e duhur.

Kremin e përgaditur e hedhim sipër petës që kemi të shtrirë në tavë.

Torten e përgaditur e vendosim në frigorifer dhe e lëm të qëndrojë përafërsishtë 2 orë, derisa kremi të bëhët i dendur.