Japrak me gjethe rrushi-KUZHINA.com

JAPRAK ME GJETHE RRUSHI

Kategoria:

Receta

Postuar më: 11 Mars, 2015

Përbërësit:

- gjethe rrushi

- 1 gotë oriz

- 3 kokrra domate

- gjysmë kg qepë të njoma

- dy tufa erëza të njoma

- piper të zi sipas dëshirës

- 10 gjethe lëpjeta sipas dëshirës

- 5 hudhra të njoma

Përgatitja:

Gjethet e rrushit i vendosim të marrin një valë. I heqim nga zjarri dhe i kullojmë. Ndërkohë ne grijmë qepët e njoma dhe i vendosim për t’u skuqur. Pasi është skuqur qepa shtojmë domaten e grirë. Më pas do të shtojmë erëzat, do i trazojmë dhe do të shtojmë edhe orizin, hedhim një gotë ujë që orizi të ziejë.

Do ta lëmë që kjo masë të ftohet pak dhe fillojmë që t’i mbledhim një nga një gjethet e rrushit me përbërjen. Vendosim në një tenxhere gjethet e rrushit që janë më të trasha dhe sipër tyre do të rreshtojmë japrakët. Kur t’i vendosim të gjitha do i hedhim ujë. Do vendosim sipër japrakëve një pjatë të rëndë balte që japrakët të mos dalin sipër kur ziejnë. Zjarri duhet të jetë i avashtë që të mos ngjisin.